الثلاثاء، 28 ديسمبر، 2010

المصري وقناع الدين Mask Of Religion

قناع الدين ده قناع تاريخي والمصري مش أول واحد إستخدمه … في ناس كثير سبقوه
لكن المصري تفوق على الآخرين بإظهار أفعال متناقضة مع القناع أثناء إرتدائه !!!!؟

وده مش بسبب غباء أو غفلة أو عدم إحتراف ….لكن بسبب بجاحة وجرأة منقطعة النظير!!!!!!

ومش بس كده … ده أقنع نفسه مع مرور الوقت إنه مش لابس قناع وإن صفاته متناسقة تماما مع الأصول والدين والمنطق …

وفي أي لحظة شك .. أو صوت لضمير بيلفظ أنفاسه الأخيرة … يتألق المصري كعادته بالإستشهاد بآية قرآنية أو حديث … بشكل أبعد ما يكون عن التأويل والمعنى الحقيقي ..

وده سلاح تأثيره شيطاني … لو أي حد اعترض .. الإجابة بتكون جاهزة مسبقاً….”هتعترض على كلام ربوناه"

والنموذج ده بيتضح في فيلم الزوجة الثانية في دور الشيخ الضلالي (قام بدوره حسن البارودي) وهو يحاول إقناع شكري سرحان بتطليق زوجته حتى يتزوجها ولي الأمر (العمدة) والمأذون بيمشي الجوازة من غير عدة … وكله ماشي … حاجة مرعبة بجد 
 


المهم المصري حب القناع ده … حبه قوي ..قوي قوي .....لدرجة إن الكل من جميع الأعمار لبسوه .. واتعلموا من أهلهم إزاي يلبسوه .. و لأولادهم يورثوه ....

مثلاً:
*صاحب محل عاوز ينصب من غير ما يثير الشك
*سواق تاكسي بيديك بقية 10 جنيه وانت لسه مديلو خمسين .. ويشكك في نفسك
*واحد عاوز يبصبص على البنات بنظرات شهوة مغلفة بشكل ديني إستنكاري ( لو وصل لقمة بجاحته يحاول يكلم وينصح الأخت العارية ..
مره دفعت رشوة 100 جنيه لموظف عشان يخلصلي ورق .. وما يوقفش الدنيا .. الموظف قاللي : ياباشا المدير بياكل معانا خليهم 150 … المهم دفعت وقعدنا نتكلم في العربية
فكنت بحكيله عن طليقتي اللي قلبتني …
فأجاب إنه حريص في تعامله مع زوجته ومش بيعرفها عن أي حاجة غير المرتب الرسمي ..
لكن لما ربنه يرزقه بمبلغ زي اللي خده مني مش بيعرفها عشان تمشي على قدها
 أنا جاتلي Shock
زي اللي جت لــ Edward Norton In Fight Club
 لما عرف إن هو Brad Pitt
  قلت في سري : إيه ده … هي الرشوة رزق ….؟؟؟؟؟؟؟
  وعلى فكرة القناع مش رجالي بس ده   UniSex  يعني البنات كمان ممكن تلبسه

1- يعني تلاقيها بتقلك نكت خارجة في التليفون في رمضان قبل السحور … وبعدين تستأذن عشان لازم تقرى قرآن قبل ما تنام ..
2- ونلاقي مثلاً بنت محجبة ولابسة بنطلون برمودا … طيب يابنتي ماهي رجلك باينة .. حجاب إيه بقى
3- وواحدة تانية لابسة (حجاب السحلية) (وهو حجاب يكون مشدود بشدة عى الرأس وأطرافه مدفونة في رقبة البادي الضيق اللي عبارة عن قميص نوم سترتش على بدي بكم) … حجاب ايه بقى تاني مرة
4- وواحدة تالتة لابسة حجاب (الكرنبة) وهو حجاب يتكون من أكثر من طبقة ( Layer ) مثل نبات الكرنب وهو نوع من أنواع الحجاب الإسبانيش .. وبغض النظر عن شكله الكوميدي جداً.. هنلاحظ إن الرقبة كلها باينة .. والقرآن البيقول .. وليضربن بخمورهن على جيوبهن ..
والجيوب هي مدخل الراس .. والمعنى تغطية وإنزال الحجاب على وليس في مدخل الرأس …وده معناه تغطية الرقبة!؟؟؟
وواحدة ترفض تـــوريك صورتها على الــChat وبعد يومين تبعتلك ألبوم صورها بقمصان النوم
أو واحدة تكون محجبة وتقلع الحجاب في فرحها (ليلة العمر بقى) وأهلها المقنعين بالدين مبسوطين والعريس العظيم بيحقق نظرية غربية شهيرة وهي(Share The Meatٍ)
المدام صدرها باين وكل حاجة محددة … والشباب المفترس من صحابه كل واحد فيهم مطلع الموبايل وبيشاركه في تقدير و تخليد اللحظة واللحمة
إلا في حالة وجود رقاصة أكثر جمالاً من العروس ..
وده بيكون  Decoy ذكي من العريس.. 
لتغيير إتجاه الموبيلات نحو مؤخرة الراقصة بدلاً من نهدي العروس..
وطبعاً مش بس العروسة اللي بتقلع .. كله بيقلع الحجاب … 
واللي ما بتقلعش بتكون ألعن… 
لأنها بتكون مضطرة تعتمد عل إبراز التضاريس والكيرفات بشكل أقوى (لعدم قدرتها على إستخدام سلاح الشعر)
على رأي عادل إمام وهو بيقول من فوق عمر خالد ومن تحت عمر دياب .. سوق جواري متحضر …. كله بيعرض مؤهلاته

ثم يتحد الجميع في الرقص … لجذب الذكور الباحثة عن التزاوج كما تفعل الإناث في معظم الثدييات بل وحتى الحشرات
 وكأن الدين حصله Pause
 كأن بعد الفرح ممكن نعمل Shift +Delete للفترة الزمنية اللي حصل فيها الرقص وتعرية الوراك والقلع الجميل
وكأن الكاميرات والموبيلات ماخــلدتش هز الصدور والأرداف والوراك .. اللي الشباب يفضل يسخن بيــه !!!….

وينشره على اليو تيوب وغيره من آلاف اللقطات لمحجبات يفعلن كل شيء على سلالم العمارات وفي مكاتب الشركات وشقق ولاد او بنات اهلهم مسافرين أو في الشغل …  وعظيمة يامصر ..
ولوعاوز تشوف أمثلة إكتب رقص مصري فرح محجبة… في اليوتيب

المثال الأخير : واللي هيجنني أنا شخصياً …. وهو خلع الحجاب في أثناء الذهاب إلى
المصيف أو العين السخنة
Pause كأن الدين بيحصله
لتاني مرة .. وكأن أي محجبة بتقلع لظروف المكان المحيط بيترفع عنها القلم ؟؟؟
كفاية كده …  الموضوع Endless
أنا مش ضد الحجاب ولا ضد السفور أنا ضد الكوكتيل الجميل
أنا ممكن أحترم وأتجوز بنت مش محجبة بترقص .. لكن مستحيل أحترم بنت محجبة بتهز!!!!؟؟؟؟
عشان كده الولاد بيفضلوا الأجنبيات لأن معندهمش إزدواجية .. كله في النور وبوضوح … ودي الإجابة لسؤال جنن وحيرالمصريات … ليه المستورد!!؟؟؟

تساؤل طريف
كان في واحد من دولة شقيقة في إيطاليا (وهو دماغ وعارف إنه في الضياع) بيحكي مع مصريين وبيتسائل …
ليه المصري هو الوحيد الطماع !!؟؟ … بده ياخذ الدنيا كلها ويروح الجنة في الآخرة … وهيدا ما بينفع!!؟؟؟؟؟
فعلاً المصري غريب مش بيرقص على حبل أو حتى حبلين .. ده بيرقص على كل الحبال

وشعاره .. أنا عمري مارقص أنا ملتزم

أرشيف المدونة الإلكترونية