الخميس، 13 يناير، 2011

مـِــش مـُـشـــكِلـتـِي إنـُــه يــَــدوب يـــِــقـدَر يـــِـهـَزَر !! Mother Wendol


فلتصمتي للأبـــــــــــــــــــــــــــــــــــــــد
فلتصمتي للأبد . !! Shut The FucK Up..Mother Wendol
كفاية..حرام!! Go to Hell ! To Where You came From
!!! By all the Powers In Life.. I Compel you 
خذني يارب إذا ما كُـنـتـِش هـاتـاخـذهـا ….

عناوين غريبة … مش كده ؟!! … في مليون عنوان للمقالة دي … بس ما فيش مكان!!
لأني عارف إن في ناس ممكن تبعد عن مقالاتي أو تكسل تقرا المقالات المملة الطويلة اللي بتجيب كآبة … حاولت أوصل الرسالة بشكل إجباري ليها ولكل إللي زيها ….
وقبل ما قول هي مين …. أحب أوضح مجموعة نقاط هتسهل علينا فهم الموقف بشكل عام لأن المرة دي صعب أشرح وأنا وسط الحدث أو بعده ..
وده برده لأن معاها كل شيء بيكون بالعكس عشان كده معاني الكلمات هكتبها في الأول..
زي ما (الكاميرا مان) كان عبقري لما بدأ فيلم The Devil بكاميرا مقـلوبة … عـشـان يوضح هو بيـتـكلم عـن ميـــن ..
وكمان صعب اكتب الأبطــال لأن المـتـعة هـتـَنـعَدِم والنـقـد هـيبـقى تـقـليدي جاف ومش هيديها حقها … والصراحة هي لازم تاخذ أكثر من حقها لأنها غالية قوي …قوي قوي (إبتسامة بلاستيكية مستعملة)
معاني الكلمات :
Mother Wendol : إسم للإله الذي كان يعبده المحاربون الوحشيون في فيلم 13th warrior وكان على محاربي الــ Viking قتل محاربيه وتدميره . وكان تمثالاً لإمرأة ضخمة وصل صدرها إلى ركبتيها …. وكان كل محارب يحمل نموذجاً صغيراً عن النموذج الأم للتـَـبَـرُكِ بـِه.
يـَدُوب يـِـقـدَر يـِهَـزَر (يـ يـ يـ) : كما قالتها العسولة دوللي شاهين في فيلم نمس بوند عندما كانت تصف علاقتها مع زوجها الكبير في السن والذي كان (يـدوب يــقـدر يهزر) … ودي مش محتاجة شرح … وعشان اللي فهمهم بطيء = مش بيكمل اللي بيـبتـديــه
فلتصمتي للأبد : (فليتكلم الآن أو ليصمت للأبد ) جملة يقولها الراهب في مراسم الزواج في الدين المسيحي .. ونلاحظها في أي فيلم غربي …
وهي جملة عظيمة المعنى تـُقــَـال لـمن لديه سبب لمنع عقد القران من الحاضرين ، وذلك حتى لا يفسد على الزوجين حياتهما بعد الزواج .. عن طـريق الفتنة أو ذكر ما قد يعكر صفو الحياة بينهما في المستقبل … إذن فليتكلم قبل الزواج وإلا فليصمت للأبد …. ويسيبهم في حالهم …
: I Compel you!جملة تقال لإجبار الروح الشيطانية للخروج من الشخص الذي لبسته ،شاهد فيلم The Exorcist
Go to Hell!! To Where You came From:
خلق الله الأمهات .. وخلق الشيطان الحَـمَــوَات (أنيس منصور)
اظن دلوقتي عرفتوا هي مين … Surprised
هي واحدة بتعكر حياتك بشكل مباشر في احسن الأحوال … لأن مكرها الخفي لا تقوى عليه الجبال …
فلو صرحت بمكنونها وعبـرت عن افكارها بشكل مباشر (لا إرادي) .. ده يكون أفضل من وسوستها لزوجتك بـزيارتها في غيابك أو عـن طريق شيطان العصر و مُحضِر الشياطين والشــر الحاضر الدائم المتـَنـَصِت الناقـِـل الضَار المُفزِع المقلق المُؤذِي ….وهو الموبايل …
واللي إخترع الجهاز أفاد كل إنسان على وجه الأرض ماعدا واحد وهو للأسف إنت … الرجل المصري المسكين المُحَارَب (بفتح الراء:اسم مفعول) على جميع المستويات بدءاً من عرينه (ده لو كان لسه أسد) ..
وعداوة الموبايل للزوج المصري عاملة كده زي عداوة السطحيـيـن للجزيرة مباشر ..
وفي علاقة الزوج بحماته يقوم الموبايل بدور وسيلة بث الإرسال عن طريق المراسل (الجاسوس اللي عندك في البيت وهو الزوجة) للعدو اللي هو حماتك يا وحش ..
ومهارة حماتك في الحرب والعداوة … حاجة فطرية وبتتطور وتزداد سواداً وعمقاً عبر الزمن من قبل حتى ما إنت تشوف بنتها… بسبب كثير من العوامل التي إستقطبت عقلها المتلهف للغباء لأنه ملئ بالفراغ..
ده بالإضافة للملـل إللي دفعها لأن تجهز لمعركة جديدة بعد ما انتصرت على جوزها (اللي بقى عامل زي خيال الظل –لا بيهش ولا بـِيـنِـش إلا بأمرها) (وفي احيان كثيرة بتكون دفنته لو كان عنده دم ومات كمداً(غماً) لأنه ماقدرش يستحمل أو يهرب )
الله يرحمه إستريح … بس والله ما رَيَح !! (ماهو خلف لك بنته اللي نسخة متطورة من أمها .. والموبايل بيقوم بتحديث بياناتها في حالة المواقف الجديدة والتي تحتاج لمساعدة صديق(الأم) طالما تحلى بعبقرية غباء حاضرة مشعة منقطعة النظير ..)
والعوامل اللي كونت الغباء الحاضر ده كثيرة نذكر منها :
1- إنعدام الكرامة اللي بقى صفة شائعة .. وساعد عليه إحتقار الآخر للمصري وإستهتار العالم بيه بسبب نماذج أساءت لصورته فما جَـتـش ِعلى مراته بقى .. متـناسين أن لكل قاعدة شواذ .وإن لسة فيه رجالة عندها كرامة.
2- المسلسلات الوركية والقصور العظيمة بتاعت يسرا وإلهام شاهين ورجاء الجداوي اللي خلت كل ست مخللة تـَنـقـُمُ على حياتها راغبة في تعويض بنتها أميرة الأميرات (نانوسة عين أمها) اللي تستاهل وزنها ماس وياقوت مش ذهب بس وبعـدين يـسرا أو بطلة المسلسل البـدنجاني الوركستاني أحسن من بنتها في ايه ؟؟ ولا بنتها ناقصة ورك ولا ناقصة ورك ؟؟ Tongue out
ماهي عندها أهه وركين يسِدوا عين الشمس باحلى إلتصاق لفخذين يطمعوا أي جزار … Laughing ومن هنا نشأت فكرة بيع اللحم … لأن الأم عايزة اللي يقدر بنتها بالمال .. ويعوض السنين اللي أبو البنت وراهلها في الشباب .. فالبنت لازم تخش مستريحة … ياختي عليها ….Money mouth
3- إستسلام أبو الزوجة (اللي كان راجل زيك في الأول) لحماتك
وده خلق نموذج مريض ومشوه للراجل عند مراتك … اللي إتربت وهي فاكرة إن القيادة في إيد الست وإن الراجل مجرد ذكر لتلقيح البويضات وشراء الطلبات وليس له شأن بإتخاذ القرارات… بسبب :
A- أسباب تاريخية :أفكار وأمثلة متوارثة كما يقول المثل الحقير (جوزك على ما تعوديه) كأنه كلب أو طفل هتعوده يعمل بـيـبـيـيـيه في الحمام مش على نفسه .. ولا كأنه راجل طول بعرض يصلح لقيادة كتـيـبة !!! والهانم المحترفة في تدريب الرجال وكسرهم هتعلم بنتها إزاي تخلي جوزها يمشي على عجين ما يلخبطوش ..وعشان يبقى زي الخاتم في إصبعها ..
(يانهار إسود على الرجالة لما دي تكون أحلام النساء)!!!!
B- أسباب واقعية : إن حماك كبر وبقى يدوب يقدر يهزر … وده كـَسَرُه قـُدَام حماتك فبقى مطيع وخايف احسن صوتها يعلـَى عـَلِيه ..
وده برده خلى حماتك عايزة تعيش مراهقة متأخرة بـبـنـتها اللي هتلعب دور البطلة معاك ..
وهيخلي حماتك تلعب عدة أدوار لتنال جائزة الأوسكارعن:
1- أحسن صورة وتصميم ديكورBest Picture : مش هتسيـبك من أول السيراميك والبورسلين لحد ستارة الحمام (ماهي خبـيـرة مسلسلات وركية)
Best Foreign Language Film -: ماهو كله حاجة غريـبة عن احلامك .
3- Best Visual Effects : ماهو نهارك هيـبقى ليل من كثرة السواد وهتـشوف النجوم في عز الظهر ..
4- أحسن إخراج : ما كله بإشرافها …..
..
5- أحسن ممثلة وممثلة مساعدة (في نفس الوقت لأول مرة في تاريخ السينما) : هي بجدارة عن دورها وآدائها المتمـيـزوالمتجـسد بشكل غيرمباشر في زوجتك (ما هي مراتك بتـِتـكـَلِم بلسانها) وعن دورها كممثـلة مساعدة كـأم لزوجتـك ..
6- أحسن ملابس Best Costume Design : ماهي الي بتـختـار لبـنـتها كل حاجة وبـتعرفها من صغرها تـنقي الغالي لما تيجي تـتجوز بسبب بُخل زوجها (زوج حماتك -أبو الزوجة) والإحداث الوراثي في نفس الوقت
7- احسن موسيقى تصويرية : وهي عبارة عن صراخ الزوجة وبكاء الأطفال اللي حماتك هتقنعها بإنجابهم (إغلبيه بالعيال)
8- أسوأ فيلم إباحي نصائحها المريضة لممارسات بنتها على فراش الزوجية .. وتحليلها الكامل بعد مراقبتها المستمرة عن طريق التعليق على الحدث بعد حدوثه مباشرة والإرشاد قبل حدوث التالي ..للشعور بالإثارة بشكل غير مباشر …ماهي بنتها لازم تحكيلها كل حاجة …وشكراً للموبايل .. فاضل يركبولك كاميرا للمراقبة عشان يـِبقى بـَثLive وبرده يـِقـَيـِمُوا الآداء بالمرة .
ملحوظة كوميدية : كنت بتكلم عن فكرة المقالة مع صديقة من دولة عربية … فـَذُهـِلـَت عندما اخبرتها إن فيه بنات بتحكي لأمهاتها عن العلاقة الجنسية مع الزوج Yell… فقالت تعليق كوميدي جدا قالت لي خلاص نقولها : إتفضلي معانا .. هاهاها .. فقلت نقولها: بسم الله … إتفضلي معانا … تاخدي ورك …. هه ها ها ها
9- أحسن إنتاج : للأسف مع إن إنت المنتج وكلنا شاهدين … لكن الجائزة بتروح للزوجة الشطورة اللي سمعت كلام مامتها ولبستك في اغلى شبكة وأغلى مهر وأكبر شقة وأكثر عفش وأكبر قائمة وأكبر فرح وأعظم مؤخر… (خلي بالك كل حاجة لازم تبقى اكبر وأغلى حاجة)
10- أحسن سيناريو : لأنك هتعرف إن كله بيشتغلك في الآخر يا بطل وإن حماتك هي
Mother Wendol 

حكم وأمثلة :
من شاور الرجال شاركها في عقولها
المرأة شر كلها.. وأشر منها أنه لابد منها
أعصِ هواك والنساء وافعل مابدا لك
ثلاث مهلكات :طاعة النساء،وطاعة الغضب ،وطاعة الشهوة
طاعة النساء غاية الجهل
لا تطيعهن في الحق فيطمعن في الباطل
ملحوظة : أعتذر عن تأجيل مقالة زواج الصالونات .. والرخيص الغالي .. بصراحة ما قدرتش أأجل المقالة دي .. هي هي هيه هي
وبرده هتنفعنا في الإستشهاد بما جاء فيها Wink
Werak El Mother Wendol …..We Kol Ely Men 3′eer 3o2ool

أرشيف المدونة الإلكترونية